An Clár CLÁR (Ceantair Laga Ard-Riachtanais)
Cuirtear maoiniú ar fáil tríd an gclár CLÁR (Ceantair Laga Árd-Riachtanais do thionscadail bheaga bhonneagair i gceantair thuaithe incháilithe a bhfuil an daonra tite go mór iontu. Is í an Roinn Forbartha Tuaithe agus Pobail a chuireann an maoiniú sin ar fáil, agus is iad údaráis áitiúla a riarann é i gcomhar le pobail áitiúla.
Cé atá i dteideal iarratas a dhéanamh?
Tá grúpaí pobail agus grúpaí deonacha agus comhlachtaí forbartha áitiúla i dteideal tionscadail a mholadh agus iarratas a dhéanamh ar mhaoiniú faoin gclár do na tionscadail sin.
Cé mhéad airgid atá ar fáil?
D’fhéadfadh sé nach mbeadh an méid céanna airgid ar fáil in aghaidh gach tionscadail gach uile bliain. Bhí idir €5,000 agus €50,000 ar fáil in aghaidh gach tionscadail sa bhliain 2023, ach d’fhéadfadh sé go dtiocfaidh athrú ar an méid sin amach anseo. Is leor an maoiniú chun íoc as suas le 90% de chostas an tionscadail. Ní mór an chuid eile de na costais (10%) a íoc as acmhainní eile (mar shampla airgead ón údarás áitiúil, ón bpobal nó ó fhoinsí daonchairdiúla.
Cad is féidir a dhéanamh leis an maoiniú?
Is féidir an maoiniú a chaitheamh ar thionscadail chun saoráidí agus áiseanna pobail a fheabhsú, Áirítear i measc na dtionscnamh a maoiníodh roimhe seo, athchóiriú spásanna poiblí, feabhsúcháin ar áiseanna spóirt áitiúla, ar chlóis súgartha, ar chonairí siúil, agus mar sin de.
Conas a chuirfidh mé iarratas isteach?
A luaithe a fhógrófar an maoiniú bliantúil don chlár, cuirfidh údaráis áitiúla grúpaí pobail ar an eolas gur féidir leo tionscadail incháilithe a mholadh. Déanann údaráis áitiúla an t-eolas sin a chur ar fáil ar a suíomh gréasáin féin.