Turasóireacht

Faisnéis agus cur chun cinn na turasóireachta

Tá an liosta de rudaí le déanamh agus áiteanna le haimsiú in Éirinn gan teorainn. Idir na bailte is lú agus an chathair is mó, tá tionscnaimh agus eispéiris iomadúla le taitneamh a bhaint astu do chuairteoirí. Tá an cur amach is fearr ag na húdaráis áitiúla agus trí theacht ar sheoda atá i bhfolach ar an saol agus iad a chur chun cinn is féidir níos mó daoine a spreagadh chun teacht ar cuairt.

Suíomhanna gréasáin turasóireachta

Cruthaíonn agus bainistíonn go leor údaráis áitiúla suíomhanna gréasáin margaíochta dá gcontaetha, agus aird á díriú ar na gníomhaíochtaí atá ar fáil, na háiteanna le fanacht, bialanna agus caiféanna le hithe, mar aon le haon imeachtaí nó féilte ag teacht aníos. Más spéis leat cuairt a thabhairt ar nó bogadh go ceantar nua in Éirinn, téigh chuig suíomh gréasáin an údaráis áitiúil nó an suíomh gréasáin turasóireachta á reáchtáil ag an údarás áitiúil chun gach rud a fhoghlaim faoi a bhfuil ar fáil ag an gcontae.

Faisnéis agus comhairle turasóireachta

Maidir le ceann scríbe a bhfuil tarraingt orthu, is minic a sholáthróidh na húdaráis áitiúla faisnéis agus comhairle do chuairteoirí maidir leis an gceantar áitiúil. D’fhéadfadh go n-áireofaí leis seo faisnéis maidir le hionaid nó bothanna, léarscáileanna, nó cláir le himeachtaí atá ag teacht chun cinn.

Féilte agus imeachtaí áitiúla a chur chun cinn

Is féidir le féilte, margaí agus imeachtaí eile an-chuid cuairteoirí a tharraingt chuig ceantar. Is minic a chuireann údaráis áitiúla imeachtaí chun cinn atá ar siúl sa cheantar agus is féidir leo tacaíocht a sholáthar maidir leis an imeacht a reáchtáil. D’fhéadfadh go n-áireofaí leis seo tacaíocht lóistíochta agus trí deontais agus maoiniú a sholáthar.

Ionaid cuairteoirí agus músaeim

D’fhéadfadh ionaid cuairteoirí a bheith ag séadchomharthaí agus láithreáin oidhreachta, áit ar féidir leat teacht ar eolas, turais threoraithe a dhéanamh, agus níos mó a fhoghlaim faoi stair an cheantair. Is iad na húdaráis áitiúil a dhéanann go leor de na hionaid seo a reáchtáil.

Is bealach iontach iad na músaeim chun níos mó a fhoghlaim maidir le stair cheantair nó chun blaiseadh a fháil ar roinnt ealaíona agus cultúr. Is minic gurb iad na húdaráis áitiúla a bhainistíonn na músaeim phoiblí.

Chun foghlaim faoi na músaeim phoiblí nó na hionaid cuairteoirí sa cheantar ina bhfuil cuairt á thabhairt agat air, téigh chuig an roinn turasóireachta de shuíomh gréasáin an údaráis áitiúil.

Gníomhaíochtaí lasmuigh

Tá an siúl, an fhánaíocht agus ag dul amach ar an uisce ar fad go hiontach don fholláine fhisiceach agus mheabhrach araon. Is bealach iontach iad freisin chun taiscéalaíocht a dhéanamh, am a chaitheamh taobh amuigh, agus chun teacht ar bhithéagsúlacht shaibhir ceantair.

Is bealaí iontacha iad na conairí siúil, conairí fánaíochta, glasbhealaí, agus gormbhealaí chun taitneamh a bhaint as a bheith amuigh faoin aer. Comhcheanglaítear bealaí siúil agus rothaíochta leis na glasbhealaí, go minic bailte agus sráidbhailte á nascadh tríd an gcóras glasbhealaigh. Is conairí uisce iad na gormbhealaí áit ar féidir le daoine lapadaíl, canúáil nó cadhcáil a dhéanamh.

Má tá spéis agat cuairt a thabhairt ar conairí siúil nó siúlóireachta nó glasbhealach nó gormbhealach a leanúint, téigh chuig suíomh gréasáin údarás áitiúil na háite ina mbeidh cuairt a thabhairt agat uirthi.

Páirceanna poiblí carbhán agus campála

Ritheann roinnt údarás áitiúil páirceanna carbhán agus campála poiblí a thairgeann raon áiseanna, lena n-áirítear bánna carbhán, áiteanna campála, cithfholcadáin, leithris agus saoráidí athchúrsála. Is seirbhís áisiúil é seo do lucht saoire atá ag iarraidh cuairt a thabhairt ar an áit, agus cabhraíonn sé le tacaíocht a thabhairt don geilleagar áitiúil.

Forbairt turasóireachta

Is féidir le forbairt turasóireachta anam a chur i gceantar trí phoist a sholáthar, trádáil a ardú, agus na gníomhaíochtaí ealaíon, cultúrtha, agus staire sa cheantar áitiúil a chur chun cinn. Bíonn tairbhe i gceist don timpeallacht áitiúil freisin nuair atá níos mó acmhainní á soláthar chun áit a choimeád glan agus néata agus chun tírdhreacha nádúrtha a chaomhnú agus a chur chun cinn.

Straitéiseacha turasóireachta

Tá straitéis turasóireachta ag gach údarás áitiúil lena leagtar plean amach maidir le forbairt turasóireachta sa cheantar thar thréimhse sé bliana. Cuirtear deiseanna turasóireachta chun cinn sna straitéisí seo, na dúshláin roimh an earnáil, agus na bearta a féidir a dhéanamh chun turasóireacht a fheabhsú agus a fhorbairt. Cuirtear na straitéiseacha seo le chéile i gcomhar le gnólachtaí áitiúla agus grúpaí pobail. Is féidir leat an straitéis turasóireachta do d’údarás áitiúil a aimsiú ar suíomh gréasáin leo.

Deontais turasóireachta agus tacaíocht do ghnólachtaí áitiúla agus grúpaí pobail.

Soláthraíonn na húdaráis áitiúla go leor tacaíochtaí do ghnólachtaí áitiúla agus grúpaí pobail chun tacú le fáilteachas, gnó agus imeachtaí a mhéadaíonn turasóireacht sa cheantar. Féadfaidh údaráis áitiúla comhairliúcháin phoiblí a reáchtáil chun ionchur na ndaoine áitiúla a fháil maidir le forbairt turasóireachta sa cheantar.

D’fhéadfadh go n-áireofaí leis na tacaíochtaí seo:

• Deontais Turasóireachta Pobail
• Tacaíochtaí agus deontais airgeadais d’imeachtaí agus féilte

Deontais tacaíochta earnáil na turasóireachta d’óstáin, tithe tábhairne, caiféanna, agus brúnna.