Cláir Náisiúnta

Tá údaráis áitiúla ag obair le chéile chun soilse poiblí a uasghrádú go dtí teicneolaíocht nua-aimseartha LED, ag coigilt ar chostais fuinnimh agus ag laghdú astuithe CO2.

Tá sé mar aidhm ag Tús Áite do Lár an Bhaile bailte ar fud na hÉireann a athbheochan, ag cruthú lár na mbailte atá inmharthana, bríomhar agus tarraingteach do dhaoine le maireachtáil, le hobair agus le cuairt a thabhairt orthu.

Tríd an tionscnamh um Phobail Chruthaitheacha, tá údaráis áitiúla ag cothú comhoibriú cruthaitheach ar fud na n-ealaíon, na hoidhreachta, na leabharlanna, na fiontraíochta agus na bpobal. 

Is comhpháirtíocht é Pobail Shláintiúla Sláintecare idir údaráis áitiúla, FSS agus an Roinn Sláinte chun seirbhísí sláinte agus folláine méadaithe a sholáthar i 19 gceantar pobail ar fud na hÉireann. 

Oibríonn Oifig Chlár Uiscí na nÚdarás Áitiúil chun cáilíocht uisce maith nó ard a bhaint amach inár n-aibhneacha, lochanna, uiscí trasdula agus cósta, agus screamhuisce.

Is í an Oifig Fiontair Áitiúil d’ionad ilfhreastail má tá eolas nó tacaíocht de dhíth ort maidir le gnólacht a chur ar bun nó a fhorbairt in Éirinn. 

Cuidíonn Aoisbhá Éireann le leathnú agus forbairt clár atá cairdiúil don aois ar fud na hÉireann. Is seirbhís roinnte rialtais áitiúil í ó 2017, arna óstáil ag Comhairle Contae na Mí.

Tá sé mar aidhm ag Éire Shláintiúil sochaí Éireannach a chruthú inar féidir le gach duine sult a bhaint as sláinte fhisiciúil agus mheabhrach, agus ina gcuirtear luach agus tacaithe ar an bhfolláine ag gach leibhéal den tsochaí.

Comhordaíonn Foirne Comhtháthaithe Údarás Áitiúil na tacaíochtaí atá ar fáil do dhaoine atá ag cur isteach ar chosaint idirnáisiúnta, do dhídeanaithe, agus do dhaoine eile i gcásanna comhchosúla.