Dámhachtainí Ealaíon agus Scéimeanna Sparánachta
Féadfaidh údaráis áitiúla tacaíocht airgeadais a sholáthar d’ealaíontóirí atá ag teacht chun cinn chun saothair a chruthú thar gach foirm ealaíne, lena n-áirítear ceol, damhsa, scannán, litríocht, amharclann agus taibhiú.
Cé atá i dteideal iarratas a dhéanamh?
Is féidir le healaíontóirí atá ag teacht chun cinn i ngach cineál ealaíne iarratas a dhéanamh. Caithfidh na hiarratasóirí a bheith ina gcónaí sa limistéar údaráis áitiúil.
Cá mhéad atá ar fáil?
D’fhéadfadh na méideanna a bheith éagsúil. Is féidir le d’údarás áitiúil eolas a thabhairt duit faoi sin sula gcuirfidh tú d’iarratas isteach.
Conas a dhéantar measúnú ar iarratais?
Is féidir é a dhéanamh ar bhealaí éagsúla, ag brath ar an údarás áitiúil, ach is gnách gur féidir le hiarratasóirí a bheith ag súil go ndéanfaidh painéal ar a mbeidh oifigeach ealaíon an údaráis áitiúil agus measúnóir seachtrach measúnú cúramach ar a n-iarratas i bpróiseas iomaíoch.
Cad dó ar féidir an maoiniú a úsáid?
Is é is aidhm don deontas tacú le healaíontóirí áitiúla ina gcleachtas ealaíne. Is féidir an deontas a úsáid chun tacú saothar nua a chruthú nó a chur i láthair nó chun tacú le deis forbartha gairmiúla.
Conas a chuirfidh mé iarratas isteach?
Seiceáil an rannóg ealaíon agus cultúir ar shuíomh gréasáin d’údarás áitiúil lena fháil amach an bhfuil an scéim deontais ar fáil i do limistéar údaráis áitiúil. Déantar na deontais atá ar fáil a fhógairt ar bhonn bliantúil, agus má tá sé beartaithe agat iarratas a dhéanamh beidh ort d’iarratas a chur isteach roimh an spriocdháta le go mbreithneofar thú. Gheobhaidh tú eolas ar shuíomh gréasáin an údaráis áitiúil freisin maidir leis an bpróiseas iarratais.