Deontas na Soilse Nollag
Cuirtear deontas na soilse Nollag ar fáil chun maoiniú a thabhairt do ghrúpaí pobail agus gnó chun cabhrú leo le costas na soilse Nollag dá mbaile nó dá sráidbhaile do shéasúr na Nollag.
Cé atá i dteideal iarratas a dhéanamh?
Tá cumainn dheonacha, phobail agus ghnó i dteideal iarratas a dhéanamh ar mhaoiniú faoin scéim seo.
Cad is féidir a dhéanamh leis an deontas?
Is féidir an deontas a úsáid chun íoc as na costais a bhaineann le soilse Nollag a cheannach agus a shuiteáil i spásanna poiblí i mbaile nó sráidbhaile, agus chun íoc as costas an leictreachais chomh maith.
Cé mhéad airgid atá ar fáil?
Braitheann méid an deontais a chuirtear ar fáil ar líon na ngrúpaí i limistéar an údaráis áitiúil a léiríonn spéis sa scéim, agus d’fhéadfadh an méid sin athrú ó bhliain go bliain.
Conas is féidir liom iarratas a dhéanamh?
Nuair a dhéanfaidh d’údarás áitiúil scéim deontais na soilse Nollag a oscailt le haghaidh iarratas san fhómhar, cuirfidh sé gach eolas ar fáil ar a shuíomh gréasáin. Féach ar an suíomh gréasáin chun eolas agus an fhoirm iarratais a fháil.