Pobail Shláintiúla Sláintecare

Is í an aidhm atá ag Pobail Shláintiúla Sláintecare ná an tsláinte agus an fholláine a chur chun cinn agus a fheabhsú i bpobail, áiteanna ina mbíonn níos mó fachtóirí riosca sláinte agus folláine ann. Beidh údaráis áitiúla ag obair go dlúth le FSS agus grúpaí pobail chun seirbhísí a chur ar fáil a sholáthróidh feabhsúcháin bhuana sa tsláinte agus san fholláine. 

Tionscnaimh na bPobal Sláintiúil

Áirítear le tionscnaimh Pobail Shláintiúla Sláintecare réimse leathan gníomhaíochtaí a bhfuil sé mar aidhm acu sláinte agus folláine daoine a fheabhsú i bpobail roghnaithe, rochtain níos fearr a chur ar fáil ar sheirbhísí agus tacaíocht chun iompair stíle maireachtála níos sláintiúla a chur ar fáil. 

Áirítear iad seo a leanas:

• Seirbhísí QUIT chun éirí as an tobac – Beidh Comhairleoirí duine ar dhuine atá tiomanta don Éirí as an Tobac ar fáil chun tacaíocht a chur ar fáil do dhaoine sa phobal atá ag iarraidh éirí as an tobac, agus cuirfidh grúpaí Is Féidir Linn Éirí As tacaíocht piara ar fáil le linn cláir 12 seachtaine chun daoine a spreagadh éirí as an tobac.
• Cláir Tuismitheoireachta – Cuirfidh cláir tuismitheoireachta tacaíocht ar fáil do theaghlaigh le meabhairshláinte tuismitheoirí agus forbairt linbh shláintiúil. 
• Bia Sláinte Déanta Éasca – Cuirtear ar fáil sa chlár Bia Sláinte Déanta Éasca cúrsaí cothaithe agus cócaireachta chun cabhrú le daoine aiste bia níos sláintiúla a leanúint agus béilí.
• Meabhairshláinte agus folláine – Beidh oibrithe naisc Oideasaithe Sóisialta ar fáil chun obair le daoine aonair a bhfuil tacaíocht ag teastáil uathu lena meabhairshláinte agus folláine, agus iad a nascadh i ngníomhaíochtaí agus seirbhísí pobail.
• Seirbhísí alcóil – Tá seirbhísí alcóil comhtháite á gcur i bhfeidhm ar bhonn céimneach i suíomhanna Pobal Sláintiúil chun tacaíocht a chur ar fáil do dhaoine le húsáid alcóil díobhálach agus dá dteaghlaigh. Tá foirne bunaithe ar an bpobal comhdhéanta de cheathrar comhairleoirí, altra amháin agus oibrí tionscadail amháin, agus oibreoidh siad go dlúth le hAltraí Idirchaidrimh Alcóil in ospidéil lena chinntiú go bhfuil cur chuige nasctha i bhfeidhm idir an pobal agus suíomh an ospidéil.
• Bain Leas as Gach Teagmháil – Tacóidh an tionscnamh Pobail Shláintiúla le gairmithe sláinte áitiúla chun leas a bhaint as a dteagmháil le daoine sa phobal tríd na huirlisí a theastaíonn uathu a thabhairt dóibh labhairt le hothair faoi iompair sláintiúil.

Oifigigh Forbartha Áitiúil an Phobail Sláintiúil

Tá Oifigeach Forbartha Áitiúil an Phobail Sláintiúil ag gach údarás áitiúil a ghlacann páirt i bPobail Shláintiúla Sláintecare chun comhoibriú agus tacú leis an gclár. Tacaíonn an t-oifigeach leis an údarás áitiúil an clár sláinte agus folláine a chomhtháthú i measc chlár níos leithne an údaráis áitiúil, agus fócas ar aghaidh a thabhairt ar neamhionannais sláinte. 

Cá bhfuil Pobail Shláintiúla Sláintecare?

Tá 19 bPobal Sláinitiúil Sláintecare ar fud na hÉireann faoi láthair:

• Baile agus Contae an Chabháin (an Cabhán) 
• Gaeltacht (Dún na nGall) 
• Inis Eoghain (Dún na nGall)
• Iarthar Mhaigh Eo (Maigh Eo)
• Cathair Luimnigh (Luimneach)
•  Cluain Meala (Tiobraid Árann)
• Cathair Chorcaí Thuaidh (Corcaigh)
• Inis Córthaidh agus Baile Loch Garman (Loch Garman) 
• Cathair Phort Láirge (Port Láirge)
• Bré (Cill Mhantáin)
• Baile Átha Í (Cill Dara) 
• Gort na Silíní (Baile Átha Cliath) 
• Cluain Dolcáin (Baile Átha Cliath) 
• Tamhlacht (Baile Átha Cliath)
• Baile Átha Luain agus an Muileann gCearr (an Iarmhí) 
• Baile Longfoirt (an Longfort)
• Baile Munna (Baile Átha Cliath) 
• Fionnghlaise agus an Chabrach (Baile Átha Cliath) 
• An Choill Mhór agus Coill an Phrióra (Baile Átha Cliath)

Faigh tuilleadh eolais faoi Phobail Shláintiúla Sláintecare ar shuíomh gréasáin na FSS.