Bithéagsúlacht
Tagraíonn bithéagsúlacht do speiceas iomadúla plandaí, ainmhithe, feithidí, agus rudaí beo eile i limistéar amháin. Cuidíonn bithéagsúlacht lenár n-éiceachórais a chothú. Nuair a bhíonn go leor bithéagsúlachta ag ceantar, bíonn sé níos athléimní in aghaidh athruithe sa chomhshaol. Tá sé seo thar a bheith tábhachtach anois agus muid ag tabhairt aghaidh ar athruithe ar ár n-aeráid. Is éard atá i gceist le bithéagsúlacht a chosaint ná ár gcórais talmhaíochta agus bia a chosaint, plandaí a chaomhnú, ainmhithe a chosaint, agus lotnaidí agus galair a rialú.
Sa chuid seo
Oifigigh Bhithéagsúlachta
Tá Oifigeach Bithéagsúlachta ag go leor údarás áitiúil. Tá ról lárnach ag an Oifigeach Bithéagsúlachta san údarás áitiúil maidir le bithéagsúlacht a chosaint agus a chur chun cinn ina gceantar. Áirítear le ról an oifigigh bhithéagsúlachta:
- Plean bithéagsúlachta contae nó cathrach a fhorbairt agus a chur i bhfeidhm
- Comhairle a thabhairt do ranna éagsúla laistigh den údarás áitiúil ar shaincheisteanna a bhaineann le bithéagsúlacht agus ranna a spreagadh chun cosaint na bithéagsúlachta a chomhtháthú ina gcuid gníomhartha
- Tionscnaimh bhithéagsúlachta a chur chun cinn
Speicis ionracha
Cuid den obair a dhéanann údaráis áitiúla chun ár mbithéagsúlacht a chosaint is ea monatóireacht agus rialú a dhéanamh ar speicis ionracha ar thailte n-údarás áitiúil.
Is éard is speicis ionracha ann ná plandaí, ainmhithe, agus feithidí nach bhfuil dúchasach d’Éirinn ach a chuaigh isteach inár n-éiceachóras agus atá ag bagairt ar bhithéagsúlacht dhúchasach an cheantair. Bíonn níos lú creachadóirí ag speicis ionracha agus féadann siad fás go tapa, agus iad ag dul i gceannas ar ghnáthóga na speiceas dúchasach.
I measc na speiceas ionrach plandaí agus ainmhithe a bhféadfaidh údaráis áitiúla monatóireacht a dhéanamh orthu tá:
- Ollfheabhrán
- Glúineach Bhiorach
- Balsam Himiléach
- Plúr na Gréine
- Ioraí Glasa
- Portán miotógach na Síne
- An Lacha Rua
- Minc Mheiriceánach
Má thagann tú ar speiceas ionrach planda nó ainmhí ar thailte na n-údarás áitiúil, is féidir leat é a thuairisciú do rannán comhshaoil d’údaráis áitiúil.
Tá tuilleadh eolais faoi speicis ionracha ar fáil ag https://invasives.ie/