Scéim Dheisiúcháin agus Léasaithe
Mar chuid den Scéim Deisiúcháin agus Léasaithe (RLS), féadfaidh an t-údarás áitiúil iasacht saor ó ús a chur ar fáil d’úinéirí réadmhaoine cónaithe folmha chun cuidiú leo iad a thabhairt cothrom le caighdeáin ligin phríobháidigh.
Faoin scéim seo, ligeann an t-údarás áitiúil an réadmhaoin ón úinéir ar feadh 5 bliana ar a laghad agus cuireann siad ar fáil í le haghaidh tithíocht shóisialta i ndiaidh do na hoibreacha deisiúcháin a bheith críochnaithe. Déantar aisíocaíochtaí an úinéara a asbhaint ó na híocaíochtaí léasa.
Cé mhéad atá ar fáil?
Féadfaidh an t-údarás áitiúil suas le €60,000 a thabhairt ar iasacht d’úinéirí réadmhaoine mar chuid den scéim. Ní bheidh an leibhéal seo infheistíochta de dhíth ó gach réadmhaoin chun iad a thabhairt ar ais go caighdeán ligin phríobháidigh. Mar sin, d’fhéadfadh an tsuim iarbhír a bheith níos ísle.
Cén saghas réadmhaoin atá oiriúnach?
Le bheith oiriúnach don scéim seo, ní mór don réadmhaoin a bheith folamh le 12 mhí ar a laghad, agus ní mór di a bheith lonnaithe i gceantar ina bhfuil éileamh ar thithíocht shóisialta. Sula ndéanfaidh siad an iasacht a chomhaontú, déanfaidh an t-údarás áitiúil iniúchadh ar an réadmhaoin agus measfaidh siad cibé an bhfuil nó nach bhfuil an réadmhaoin inmharthana le haghaidh tithíocht shóisialta.
Cad is féidir a dhéanamh leis an iasacht?
I measc samplaí d’oibreacha incháilithe tá péintéireacht agus maisiú, urlárlach nua, insliú, uasghrádú fuinneog agus doras.
Conas a chuirfidh mé iarratas isteach?
Má tá réadmhaoin fholamh a mheasann tú a bheadh oiriúnach don scéim, déan teagmháil le d’údarás áitiúil agus inis dóibh go bhfuil spéis agat sa scéim. Má chomhlíonann an réadmhaoin critéir an údaráis áitiúil, eagróidh siad cigireacht suímh sula leanann siad ar aghaidh.