Pobail Ildánacha
Tá údaráis áitiúla ag obair chun cultúr agus cruthaitheach a spreagadh ina gceantair tríd an tionscnamh Pobail Ildánacha. Agus é mar chuid den Chlár Éire Ildánach, tá sé mar aidhm ag an tionscnamh comhoibriú a chur chun cinn agus tús a chur le tionscnaimh nua ar fud na n-ealaíon, na hoidhreachta, na leabharlann, an fhiontair agus na bpobal.
Soláthraíodh os cionn 5,700 tionscadal cruthaitheach ag Pobail Ildánacha go dtí seo agus leanann sé le cultúr agus gníomhaíochtaí cruthaitheacha a thacú i bpobail ar fud na hÉireann.
Straitéis Cultúir agus Cruthaitheachta 2023-2027
Chruthaigh gach údarás áitiúil straitéis cúig bliana chun pobail, saolta agus an timpeallacht a aistriú ó bhonn tríd an gcruthaitheacht. Forbraíodh na straitéisí i gcomhpháirtíocht le healaíontóirí agus lucht na n-ealaíon áitiúil, eagraíochtaí cultúrtha agus oidhreachta, agus grúpaí pobail.
Bunaíodh foirne Cultúir agus Cruthaitheachta, comhdhéanta d’oifigigh na n-ealaíon, oifigigh oidhreachta, leabharlannaithe, agus comhordaitheoirí músaeim agus gailearaí agus treoraithe ag comhordaitheoir áitiúil Éire Ildánach, chun an straitéis a fhorbairt agus a thacú. Leithdháileadh maoiniú ar gach údarás áitiúil faoin gClár Éire Ildánach chun tacú le tionscnaimh cultúir agus cruthaitheachta ina gceantair.
Conas páirt a ghlacadh sa tionscnamh Pobail Chruthaitheacha
Chun tuilleadh eolais a fháil ar an méid ata ag tarlú i do cheantar áitiúil, nó chun tuilleadh a fhoghlaim faoi thacaíochtaí atá ar fáil faoin tionscnamh Pobail Chruthaitheacha, tabhair cuairt ar an suíomh gréasáin Pobail Ildánacha nó déan teagmháil le Comhordaitheoir Pobail Chruthaitheacha i do cheantar áitiúil.
An Clár Éire Ildánach
Bunaíodh an Clár Éire Ildánach chun fís a sholáthar gur cheart go mbeadh an chruthaitheacht ag croílár an bheartais phoiblí, agus go bhfuil rannpháirtíocht i ngníomhaíochtaí cultúir agus cruthaitheacha tairbheach ó thaobh folláine daoine aonair, pobal agus an náisiúin de.
Is comhoibriú é an Clár Éire Ildánach idir an rialtas agus na healaíona, an pobal agus eagraíochtaí deonacha. Faigh tuilleadh eolais ag https://www.creativeireland.gov.ie/ga/